யாழ், மட்டுவில் புதிய அரச அதிபர்கள் பதவியேற்றனர்!

இலங்கை | admin | May 16, 2012 12:10 PM

யாழ் மாவட்டத்தின் புதிய அரச அதிபராக சுந்தரம் அருமைநாயகம் இன்று (16) காலை கடமைகளைப் பொறுப்பேற்றுக்கொண்டார்.

இதற்கு முன்னர் சுந்தரம் அருமைநாயகம் மட்டக்களப்பு மாவட்ட அரச அதிபராக பணியாற்றி வந்தார்.

அத்துடன், மட்டக்களப்பு அரச அதிபராக திருமதி சார்ள்ஸ் இன்று (16) காலை தனது கடமைகளைப் பொறுப்பேற்றுக்கொண்டார். இவர் முன்னர் வவுனியா அரசாங்க அதிபராக பணியாற்றி வந்தார்.

இதுவேளை, யாழ் மாவட்ட அரச அதிபராக பணியாற்றிவந்த திருமதி இமல்டா சுகுமார் அமைச்சொன்றின் செயலாளராக நியமிக்கப்படவுள்ளதாக தகவல் வெளியாகியுள்ளனது. எனினும், இந்தத் தகவல் உறுதிப்படுத்தப்படவில்லை.

ஜனாதிபதி செயலாளர் லலித் வீரதுங்க நாடு திரும்பியதும் அமைச்சின் செயலாளர் பதவியை திருமதி இமெல்டா சுகுமார் பொறுப்பேற்பார் எனத் தெரியவருகிறது.