Dec 14, 2016

பிள்ளையானின் விளக்கமறியல் நீடிப்பு

பிள்ளையான் உட்பட நால்வருக்கு விளக்கமறியல் நீடிக்கப்பட்டுள்ளது

தமிழ்த் தேசியக் கூட்டமைப்பின் நாடாளுமன்ற உறுப்பினர் ஜோசப் பரராஜசிங்கத்தின்
படுகொலைச் சம்பவம் தொடர்பில் கைதுசெய்யப்பட்ட 4 பேரினதும் விளக்கமறியல் எதிர்வரும் டிசம்பர் மாதம் 28 ஆம் திகதி வரை
நீடிக்கப்பட்டுள்ளது.
நீதிபதி மாணிக்கவாசகர் கணேசராஜா முன்னிலையில்
இன்று பிள்ளையான் எனப்படும் சிவநேசதுரை சந்திரகாந்தன் உட்பட நான்கு பேரை முன்னிலைப்படுத்திய போதே நீதவான் இந்த உத்தரவைப் பிறப்பித்துள்ளார்.

கிழக்கு மாகாணத்தின் முன்னாள் முதலமைச்சர் சிவநேசதுரை சந்திரகாந்தன்,
தமிழ் மக்கள் விடுதலைப் புலிகள் கட்சியின் முன்னாள் தேசிய அமைப்பாளரும்
மாகாண சபை முன்னாள் உறுப்பினருமான பிரதீப் மாஸ்டர் என அழைக்கப்படும் எட்வின் சில்வா கிருஸ்ணானந்தராஜா,
கஜன் மாமா எனப்படும் கனகநாயகம் மற்றும் இராணுவப் புலனாய்வு உத்தியோகஸ்தர் எம். கலீல் ஆகியோருக்கே விளக்கமறியல் நீடிக்கப்பட்டுள்ளது.

தமிழ்த் தேசியக் கூட்டமைப்பின் நாடாளுமன்ற உறுப்பினர் ஜோசப் பரராஜசிங்கம் கடந்த 2005 ஆம் ஆண்டு
மட்டக்களப்பு புனித மரியாள் இணைப் பேராலயத்தில் நடைபெற்ற நத்தார் நள்ளிரவு ஆராதனையில் கலந்து கொண்டிருந்தபோது சுட்டுக்கொல்லப்பட்டிருந்தார்.

இந்தக் கொலைச் சம்பவம் தொடர்பில் கடந்த 2015 ஆம் ஆண்டு நவம்பர் மாதம் 10 ஆம் திகதி சந்தேக நபரான சிவநேசதுரை சந்திரகாந்தன் உட்பட
04 பேர் கைது செய்யப்பட்டு விளக்கமறியலில் வைக்கப்பட்டு வருகின்றனர்.

இந்த நிலையில் இன்று குறித்த நான்கு பேரும் நீதிமன்றத்தில் முன்னிலைப்படுத்தப்பட்ட போது,
எதிர்வரும் டிசம்பர் மாதம் 28ஆம் திகதி வரை விளக்கமறியல் நீடிக்கப்பட்டுள்ளது.

string(1) "1"
Top